| 係度再次多謝晶瑩妹(Trevor)打上去1872遊花園祝我生日快樂!!!
然後多謝及笑爆(xD)李寶生小朋友打去企圖祝我生日快樂但失敗!!
講下個背景同情況先...
「光仔廁所位」係叱吒903十點到一點既節目「1872遊花園」入面一個特別環節，平時打電話上呢個節目係會先經一個幕後人「光仔」scan過先會俾你入去同主持們傾計，而到「光仔廁所位」既時候就係光仔去廁所而電話可直接接入既時候。而琴晚有兩位烈女打上去祝我生日快樂，一位成功且我好死感動，另一位就...... xDD
請細心聆聽... xDDDDDD 此錄音經剪輯，佢地既電話並唔係緊接住的
|
| |
| 今日有兩件趣事要講
第一先講件短啲既
晏晝我同屋企人出去青衣飲茶
回程時，見到一架奇怪既車，佢係一架三輪車
你可能即時唸起個種好古董、一架電單車加一個側乘客座個種車
咁就錯喇
佢係一架前二後一(車轆)既電單車
Incredible and fascinating, isn't?
可惜佢走得太快，影唔切
第二單
話說尋日我娘親係街市買左一袋新鮮海蝦返黎，想清蒸
由於太攰，佢將袋蝦擺左入雪櫃，然後去左小睡一小時左右
到佢起身準備煮餸時，發覺有一隻蝦竟然重未死
佢就將成袋蝦掉落星盤，唸住等隻蝦死左就蒸埋佢
點知到我地食完飯佢都未上天堂，仲幾生猛
我影左段片:
我阿媽就話：「隻蝦肯定成左精喇(話唔定係成左仙添，晶瑩你又多個同行喇xDD)，雪佢成個鐘都死唔去，一於放生佢啦」
結果隻蝦就俾我親手送落海
係我掉佢落海前，我同佢影左幅大頭相
真係不得不佩服呢位「蝦仙」! xDDDD
請俾珍!! xD
|
| |
| 古人求煉字，精簡為上， 而家至少六百幾字，重要過兩版先有5星
文學，作為一種文化，不只係傳遞意念、記錄既工具， 而係一種藝術，應該有各式各樣既修飾 只求有point係啲咩歪理?
所有攞過諾貝爾獎既華裔學者，全部都唔係中國長大，更唔係係呢個腐朽既地方大 咁你話呢啲制度係咪真係作育英才?
要有平衡既社會，就應該有高有低，唔係個個都大學生先叫做正常 邊個做清道夫? 地盤佬? 司機? 逼到個個都差唔多樣，最終都係有錢有靠山既得益 咩理想社會、理想世界?
淨係識得層層加壓
腐朽既制度、腐朽既世界、腐朽既時代 「常有司殺者殺。 夫代司殺者殺， 是謂代大匠斲。 夫代大匠斲者， 希有不傷其手矣。」 總有嘢會糾正一切扭曲 |
| |
